ഇങ്ക്സ്കേപ് പാഠങ്ങൾ/തക്കാളിയുണ്ടാക്കാം
ഇങ്ക്സ്കേപ് ഉപയോഗിച്ച് നമുക്കിനി ഒരു തക്കാളിയുണ്ടാക്കാം.
ശ്രദ്ധിക്കുക: ചില പതിപ്പുകളിൽ ഷിഫ്റ്റ് + കൺട്രോൾ + എഫ് എന്നതിനു പകരം കൺട്രോൾ + അൾട്ട് + എഫ് എന്ന കോമ്പിനേഷനാണ് ഫിൽ & സ്ട്രോക്ക് മെനു ലഭിക്കാനുപയോഗിക്കുന്നത്.
- സർക്കിൾ ടൂൾ ഉപയോഗിച്ച് ഒരു വൃത്തം വരക്കുക.
- നിർമ്മിച്ച വൃത്തം സെലക്റ്റ് ചെയ്ത്, ഷിഫ്റ്റ് + കൺട്രോൾ + എഫ് അമർത്തുക.
- ഒപ്പാസിറ്റി 80%ലേക്ക് മാറ്റുക.
- നിറം തക്കാളിക്ക് അനുയോജ്യമായൊരു ചുവപ്പ് നിറമാക്കുക.
- സർക്കിൾ ടൂൾ വീണ്ടും ഉപയോഗിച്ച്, തക്കാളിയുടെ അതേ വീതിയിൽ, തക്കാളിയുടെ താഴെയായി ഒരു അണ്ഡവൃത്തം വരക്കുക. ഇതാണ് തക്കാളിയുടെ നിഴൽ.
- അണ്ഡവൃത്തം സെലക്റ്റ് ചെയ്ത് ഷിഫ്റ്റ് + കൺട്രോൾ + എഫ് അമർത്തുക.
- ബ്ലർ 20% ആക്കി മാറ്റുക, സ്ലൈഡർ നീക്കുമ്പോൾ നിങ്ങൾക്ക് ഫലങ്ങളറിയാം..
- ഇലകൾ ചേർക്കാൻ, കാലിഗ്രഫി ടൂൾ എടുക്കുക നിറം പച്ചയാക്കി മാറ്റുക
- കാലിഗ്രാഫി ടൂളിന്റെ, തിന്നിംഗ്' 0.90 ആക്കി മാറ്റുക.
- ഇല വരക്കൂ. സംതൃപ്തി വന്നില്ലെങ്കിൽ മായ്ച്ച് വീണ്ടും ശ്രമിക്കൂ.
- തക്കാളി സെലക്റ്റ് ചെയ്ത് കൺട്രോൾ + ഡി അമർത്തുക. ഇത് തക്കാളിക്കു മുകളിൽ തക്കാളിയുടെ പകർപ്പ് നിർമ്മിക്കും.
- ഈ പകർപ്പ് സെലക്റ്റ് ചെയ്ത് ഷിഫ്റ്റ് + കൺട്രോൾ + എഫ് അമർത്തുക.
- ആൽഫാ ചാനൽ 50% ആക്കി മാറ്റുക.
- നിറം വെള്ളയാക്കുക. തക്കാളി മങ്ങിയതായി കാണാം.
- ആ മങ്ങൽ സെലക്റ്റ് ചെയ്ത് കൺട്രോൾ + ഷിഫ്റ്റ് + സി അമർത്തുക. വൃത്ത രൂപത്തിൽ നിന്നും മറ്റു രൂപങ്ങളിലേക്ക് മാറ്റാൻ ഇതനുവദിക്കും.
- നോഡ് എഡിറ്റിംഗ് ടൂൾ ഉപയോഗിച്ച് മങ്ങൽ സെലക്റ്റ് ചെയ്യുക. സമചതുര പിടികൾ ഉപയോഗിച്ച് പ്രതിഫലന പ്രതീതി വരുത്തുന്നതിനു വേണ്ടി മങ്ങൽ ചെറുതാക്കുക . കൂടുതൽ സമചതുര പിടികൾക്കായി ഡബിൾ ക്ലിക്ക് ചെയ്യുക.
- പിറകിലേക്ക് നീങ്ങിയിരുന്ന് നിങ്ങളുടെ കലാസൃഷ്ടിയെ പ്രശംസിക്കുക