പാചകപുസ്തകം:പഴം നുറുക്ക്

ചേരുവകൾ

• ഏത്തപ്പഴം - മൂന്നെണ്ണം(ചെറുതായി നുറുക്കിയത്)
• ഉണക്കമുന്തിരി - പത്തെണ്ണം
• കശുവണ്ടി - പത്തെണ്ണം
• വെളിച്ചണ്ണ - രണ്ട് ടീ സ്പൂൺ
• നെയ്യ് - രണ്ട് ടീ സ്പൂൺ
• പഞ്ചസാര - ആവശ്യത്തിന്

പാകം ചെയ്യേണ്ട വിധം

ചൂടാക്കിയ ഒരു പാനിൽ എണ്ണയും നെയ്യുമൊഴിച്ച് അതിൽ ഉണക്കമുന്തിരിയും കശുവണ്ടിയും വറുത്തെടുക്കുക.അതേ എണ്ണയിൽത്തന്നെ നുറുക്കി വച്ചിരിക്കുന്ന ഏത്തപ്പഴം നല്ലപോലെ വഴറ്റി ഒരു പാത്രത്തിലേക്കു മാറ്റുക.അതിലേക്കു വറുത്തു വെച്ചിരിക്കുന്ന കശുവണ്ടിയും ഉണക്കമുന്തിരിയും പഞ്ചസാരയും ചേർത്ത് ഉപയോഗിക്കാം.